Бөек Җиңүнең 68 еллыгы мәктәптә зур оешканлык белән, истә калырлык итеп үткәрелде. Бәйрәмдә сугыш һәм тыл ветераннары, сугыш чоры балалары һәм төрле шәһәрләрдән кайткан кунаклар катнашты.                                                                                                                                                            

Бәйрәм тантаналы көй астында ветераннарны көчле алкышлар белән каршы алудан башланып китте.  Аларның сафы елдан-ел сирәгәя, күбесе авырый. Тик шулай да, алар бәйрәмдә чыгыш ясап: -  Бездән  соң килгән буынга сугыш дигән афәтне күрергә язмасын,- диделәр. Әтиләре сугышта үлеп калган ятимнәрнең чыгышы күпләрнең күзләренә яшь китерде.

                                                    Батырларның даны мәңгелек!