Мәктәптә озату кичәсе. Шимбә көнне,ягъни 18 нче майда , мәктәптә, инде матур традициягә әйләнгән “Исән йөреп,сау кайтыгыз”-дип исемләнгән солдатка озату кичәсе булып үтте. Буа ветеринар техникумында укып диплом алып, Ватан алдындагы изге бурычларын үтәргә китүче Илгиз Шамил улы Асадуллин һәм Рәиф Равил улы Исхаковлар хөрмәтенә оештырылган кичә иде ул. Бәйрәмгә булачак солдатларның әти-әниләре һәм җитле үзидарә башлыгы Радик Усман улы да чакырылган иде. Булачак солдатларга,аларның әти- әниләренә сораулар биреп, җырлар һәм шигырьләр белән аралаштырып алып барылган кичә һәркемнең күңелендә яхшы тәэсир калдыргандыр. Радик Усман улы Мухаметзянов егетләргә истәлек бүләкләр тапшырып,иң изге теләкләрен җиткерде. Аларның әти-әниләренә,шундый тәрбияле балалар үстергәннәре өчен рәхмәт әйтте..Кичәне 9 нчы сыйныф җитәкчесе Гөлинә Фатих кызы Насибуллина әзерләде һәм алып барды.