Залга “Картаямыни соң йөрәк? Җырын җырлый-җырлый ак яулыклы  әбиләр килеп кергәч, күңелләр әллә нишләп китте . Мәктәптә  “Чын күңелдән”- дип исемләнгән кичә шулай башланып китте. Яңа уку елы башыннан гына педагогик оештыручы булып эшли башлаган Гөлгенә Вильданова матур, яңгыравык шигырьләр укып бәйрәмне алып барды. Килгән кунаклар да һич кимен куймады. Озак еллар ветераннар советы җитәкчесе булган , ә хәзер матур картлыгын кичерүче Заир абый Закиров  үзе язган шигырен укып , авыл тарихына багышланган, истәлекле вакыйгалардан торганкитабы белән таныштырып үтте. Халилова Сария апа үзе язган мөнәҗәтен әйтеп күзләребезгә яшь китерде, тик татар халык бию көенә барлык әбиләр бии башлагач та күңелләр күтәрелеп китте.

Самавыр җырлап торган өстәл артында бәйрәм бик озак дәвам итте. Өлкәннәргә әйтелгән һәм алар тарафыннан безгә –оештыручыларга әйтелгәнтеләкләр кабул булсын иде диясе генә кала.

Гөлинә Насибуллна