Яңа Кәкерле урта мәктәбендә Бөек Тукайның 125 еллык юбилее уңаеннан үткәрелгән чаралар турында  мәгълүмат .

Тукай иҗаты буенча мәгълүмат бирү, сәнгатьле сөйләү күнекмәләрен үстерү,  Тукай шәхесе белән горурлану, туган телгә мәхәббәт хисе тәрбияләү максатыннан  мәктәптә төрле чаралар оештырылды.

Башлап 1-10 нчы сыйныф укучылары һәм укытучылар  “21 нче февраль –Халыкара туган тел көне”н билгеләп үткән көннәрдә дә , татар теле һәм әдәбияты атналыгында да ”Мәңге яши, яшьни яшь Тукай!”-дигән исем астында  озын тәнәфесләрдә Тукай шигырьләрен яттан сөйләделәр һәм җырларын башкардылар.

Ана теле һәм әдәбияты дәресләрендә, тәрбия сәгатьләрендә Тукай турында язылган материаллар, яңалыклар даими яктыртылып барылды.

Шагыйрьгә багышланган стена газеталары чыгарылды, стендлар төзелде, альбомнар ясалды. Мондый эшләр әле ел дәвамында да дәвам ителәчәк.

Татар теле һәм әдәбияты атналыгы тулысы белән Тукайга багышланган иде.

7-8 нче сыйныф укучылыры”Тукай- бөек шагыйрь” темасына иң яхшы презентация төзү бәйгесендә катнаштылар .7 нче сыйныф укучысы Насибуллин Зөлфәтнең эше яхшы дип табылды.

 Китапханәче Вилданова Дилүзә, 5нче сыйныф укучылары белән , “Йолдызлы сәгать” уенын  үткәрде. Бу интеллектуаль уенда 5 нче сыйныф укучысы Сабирҗанов Ринас иң күп балл җыеп, җиңүче булды.Абыйсы-10 нчы сыйныф укучысы Сабирҗанов Рифат- энесенә көч- куәт биреп торды.

26 нчы апрель .Зал бәйрәмчә бизәлгән:Тукайның портреты,чәчәкләр, шагыйрьнең сүзләре язылган плакатлар,аңа багышланган стена газетасы, “Бәйрәм бүген” җыры яңгырый .Залда Тукай китапларыннан, укучыларның иҗади эшләреннән күргәзмә.  “Сәнгатебез күкләрендә- Кояшыбыз, Аебыз, Бар җиһанга күренерлек кадерле Тукаебыз” (И.Юзеев), “Без бәхетле, без шагыйрьле халык, Без Тукайлы халык мәңгегә!” һ.б. плакатлар эленә.