Үткән атналарда табигатькә, ягъни җир- суларга багышлап  химия-биология һәм география фәннәрен берләштергән атналык булып үтте. Шушы атналыкта Татарстан, Чүпрәле районы һәм Яңа Кәкерле авылының җир-суларына, гомумән табигатенә караган бик күп мәгълүматлар бирелде. Видео  материаллар каралды. Шуларның дәвамы буларак ”Талантларга бай як”-дип исемләнгән кичә  үткәрелде. Ул Яңа ел алдыннан зур бәйрәм төсе бирде.  Укытучылар Абдрахманова һәм  Ахметзяновалар тарафыннан оештырылган чарада  авылдашларыбызның  “Туган авылым” темасына багышлап язылган  шигырьләре укылды, җырлар тыңланды һәм авторлар турында кызыклы мәгълүматлар бирелде.