Яңгырады зур залларда җиз кыңгырау тавышы.Әйе, бүген мәктәптә “Соңгы кыңгырау” бәйрәме үтте.Һәр елны яңгыраса да, ул һәрвакыт үзенчәлекле һәм яңача. Укучыларның, әти –әниләрнең һәм килгән кунакларның чыгышлары күзләрдән яшь китерә, моңландыра. Чөнки 9 ел буе күз алдында булган, авырын да, җиңелен дә бергә үткәргән укучыларны озату һәрчак моңсу, ямансу була. Тик , чак – чак кына егылмыйча атлап тәүге тапкыр мәктәп бусагасын атлап кергән балаларны шундый зур, көчле итеп, тәрбия биреп озату шатлык, горурлык хисләре өсти.