“Йөрәкләрдә син, Зариф!”дип исемләнгән кичәне мәктәп директоры Ш.М.Абдрахманов башлап җибәрде һәм ул Советлар Союзы Герое Алимов Зариф Закир улының бик күп батырлыклар эшләве  турында  мәгълүматлар җиткерде. Кичәдә геройның  бердәнбер туганы  Закиров Заир  Шакир улы да катнашты.Ул үзенең истәлекләре белән уртаклашты һәм  Зарифка багышланган шигырен  укучыларга укыды. Кичәдә катнашучыларга изге теләкләрен җиткереп,  туганының бюстена чәчәкләр куйды. Кичәне педагог-оештыручы Замалтдинова Мәдинә алып барды. Герой исемен йөрткән дружина әгъзалары батыр турында язылган А.Абязовның “Зариф”, татар теле укытучысы Г.Насибуллинаның “Авылдашыбыз Зариф” һәм башка шигырьләрне зур горурлык һәм тирән кичерешләр белән сөйләделәр. Алар үзләренең чыгышларында батырның бюстын карап тәрбияләп торулары хакында сөйләделәр. Киләчәктә дә аңа булган игътибарны киметмәскә һәм яшь буынга эстафетаны тапшырырга сүз бирделәр.