Кичә, ягъни 17 нче февральдә, Яңа Кәкерле урта мәктәбендә Ватанны саклаучылар айлыгы кысаларында ике класстан тыш чара үткәрелде. 5нче сыйныфта “Ленинград блокадасы” темасы буенча ачык сыйныф сәгате,ә 8нче сыйныфта “Әтиләр барда куәт,әниләр барда кыйммәт бар”дип исемләнгән бәйрәм кичәсе булды.Сыйныф сәгатенә дә,кичәгә дә әти-әниләр чакырулы иде. Сыйныф сәгатендә презентация кулланылды һәм күп төрле файдалы мәгълүматлар бирелде.Сыйныф җитәкчесе Ахметзянова Гөлнара Барис кызының дәресе уңай бәяләнде.Бәйрәм программасында мәктәп директорының чыгышы, әтиләр арасында бәйге,әниләр һәм укучылар арасында концерт  каралган иде. Кичә бик матур, зур оешканлык белән үтте. Бәйрәмне 8 нче сыйныф җитәкчесе Насибуллина Гөлинә оештырды һәм үткәрде.Бәйрәмгә килүче әти-әниләр бик канәгать кадылар.