Бүген балалар бакчасы гөрләп торды. Көтеп алган чыршы бәйрәменә әти-әниләр белән  кечкенә балалар һәм әбиләр дә килгәннәр. Бакчада тәрбияләнүче балалар чыгышы барыбызга да бик ошады. Күп итеп җыр-биюләр башкарылды, әкияти күренеш бик кызыклы булды. Чыршы янында Кыш бабай белән Кар кызы балаларның күңелләрен тагын да күтәрде. Алар балаларны бүләкләр белән күмделәр. Эшмәкәрләр: Айметов Ирфан, Валеев Фиркать һәр балага аерым бүләк әзерләгәннәр. Кыш бабай шушы бүләкләрне таратты. Чыршы бәйрәме бик күңелле үтте.