Ачылды ак калын юрган, Исте апрель җилләре. Кошлар кайта: сагындырган Туган- үскән җирләре. Балалар бакчасында " Кайтыгыз, кошкайлар!" исемле кичә үткәрелде. Балалар кошлар турында шигырьләр сөйләделәр, җырладылар, уеннар уйнадылар. Бу кичә туган якка, аның кошларына мәхәббәт, аларга сак караш тәрбияләү; Халыкның да үз йола бәйрәмнәрендә туган илгә, туган халыкка, туган табигатькә, табигатьтәге кошларга дан җырлавын күрсәтү; Кошлар белән танышуны, кайбер кошларның аерым үзенчәлекләре белән таныштыруны дәвам итү, шулар хисабына сүз байлыгын арттыру, бәйләнешле сөйләм күнекмәләре булдыру максатыннан чыгып үткәрелде.