15 апрельдә олы бәйрәм – проваславныйлар өчен бик  кадерле булган Пасха көне бәйрәме билгеләп үтелде. Пасха бәйрәме кешеләрне ярату, үз итү бәйрәме. Бу көнне без тормыш авырлыкларын, четреклеләрен онытып торабыз, күңелебездә шәфкатьлелек, игелеклелек орлыклары уяна, дөньяны тагында да ямьлерәк, тирә – юньдәге екшеләрне  бәхетлерәк итү теләге кабына. Пасханы бәйрәм итү атна буена сузыла. Яшьләр төрле күңелле уеннар, күмәк күңел ачулар оештыралар. Пасхага гына хас уеннар бар.Төрле төскә манылган йомыркалар отышлы уйнау – шуларның берсе. Җиргә бер рәткә тезеп куелган йомыркалар өстенә чүпрәктән тегелгән туп тәгәрәтеп җибәрәләр. Туп йомырканы аударса – отасың, тимәсә, уенны синнән соң кеше дәвам итә.

Безнең мәктәптә дә 16 апрельдә башлангыч класс укучылары “Фольклор” түгәрәге җитәкчесе Салимуллина Н.А. белән берлектә җырлы – биюле әйлән – бәйлән уеннары, йомырка отышлы уены үткәрделәр. Балаларга бу уеннар бик охшады, ә соңыннан үзләре алып килгән йомыркаларны тәмле итеп ашадылар.

Тәрбия эшләре буенча директор урынбасары Каишева Т.В.