«Сәләткә нур булган йолдызлар» Олы Шүрнәктә.
Республика күләмендәге «Сәләткә нур булган йолдызлар» әдәби конкурсы “Сәләт” Мәгариф министрлыгының иң мәртәбәле проектларыннан берсе. Бу бик актуаль конкурсларның берсе, чөнки Республика күләмендә бар укучыларның һәм студентларның әдәбиятка булган сәләтләрен һәм кызыксыну чараларын күтәрә.Республикада быел 22 нче тапкыр уздырыла.
Конкурста 12 яшьтән – 22 яшькә кадәрге мәктәп укучылары һәм студентлар катнаша ала. «Сәләткә нур булган йолдызлар» әдәби конкурсы Татарстан Республикасының яшьләр эше һәм спорт Министрлыгының “Сәләт” үзәге, “Идел” , “Ялкын” журналлары,”Калеб”яшьләр җыены тарафыннан оештырылган. Менә “Сәләт” конкурсында икенче ел инде Олы Шүрнәк мәктәбенең быел 7 нче сыйныф укучысы Галеев Риназ көчен сынады. Конкурска “Балалар әдәбияты” номинациясенә әкият жанры буенча иҗат эшләрен тәкъдим итте. Конкурста Республикабызның төрле районнарыннан укучылар җыйналган иде. Укучыларның эшләрен профессиональ язучылар, журнал мөһәррирләре һәм журналистлар укып тикшереп чыктылар. Бу конкурс уңаеннан “Сәләт”кә язучы Рабит Батулла чакырылган иде. Осталар тарафыннан мастер-класслар күрсәтелде.
Шулай ук Бөек Җиңүнең 70 еллыгына карата шигъри конкурс та оештырылды. Бу конкурска да Фатих Кәримнең “Кыңгыраулы яшел гармун” поэмасыннан өзек ятлап әзерләнеп барылды. Шигъри конкурстан соң Кәрим Тинчурин исемендәге театрдан Зөфәр абый, Камал тетрыннан Илдус абый, театр артисткалары Зөлфия, “Зөләйлә” группасының солисткасы Резеда үзләренең мастер-классларын күрсәттеләр.
Финал азагында бүләкләнүләр һәм җиңүчеләрне тантаналы рәвештә котлау оештырылды. Бу юлы да укучыбыз Галеев Риназ икенче урын яулап, мәктәбебез һәм Алабуга районының данын югарыга күтәрде. Ул икенче дәрәҗәле диплом һәм кыйммәтле бүләкләр белән бүләкләнде. Афәрин, Риназ!
Материалны сайтка татар теле һәм әдәбияты укучысы Галеева Л.Х. язды.