Шушы тема астында 14 декабрь көнне ата-аналар җыелышы үткәрдек. Бакча мөдиребез Анна Леонидовна коррупциягә каршы көрәш юллары турында сөйләде: бакча хезмәткәрләрен, әти-әниләрне һәрвакыт уяу һәм сак булырга чакырды. Шулай ук "Яңа Юраш" ябык агрофирма җитәкчесе Хәлил Нуретдиновичның нәниләргә бәйрәм чыршысы һәм аңа уенчыклар алу өчен акчалата ярдәм күрсәтүен әйтте; бәйрәм күчтәнәчләренең ниндн тәртиптә әзерләнәчәген аңлатып үтте. Аннан соң тәрбияче Наҗия Галимҗан кызы бакчабызда тәрбия һәм белем бирүнең торышын яктыртты. Соңыннан музыка җитәкчесе Миләүшә Каюм кызы Яңа ел бәйрәменә хәзерлек мәсьәләләре белән таныштырды. Шулай ук әти-әниләрдән Кыш бабай, Куян һәм Бүре образлары сайлап куелды, киңәшләр, тәкъдимнәр тыңланды.