Грипптан һәм тирән сулыш юллары вируслы инфекцияләреннән саклану һәм профилактика үткәрү кышкы чорда иң мөһим мәсьәләләрнең берсе булып санала. Бөтен кеше елга бер мәртәбә булса да салкын тидереп авырмыйча калмый. Кайчак кышкы суыкта гына түгел, җәйге көннәрдә дә авырыйбыз. Бигрәк тә иммун системасы көчсезләнгәннәр, хроник авырулы кешеләр чиргә тиз бирешә. Ата-аналарга балаларны чирдән саклап калу өчен, вакытында профилактика чаралары да үткәрергә кирәк. Авырудан саклану кагыйдәләре: кулны ешрак сабын белән юарга, бүлмәне ешрак җилләтергә һәм җыештырырга, төчкергәндә, йөткергәндә авызны, борынны кулъяулык белән капларга, кеше күп җыелган урыннарда булмаска, сәламәт яшәү рәвеше алып барырга.