Әлеге  бәйрәмгә беренче сыйныф укучылары аеруча зур тырышлык белән әзерләнгәннәр. Кечкенә сабыйлар шушы бәйрәмдә эчкерсез елмаеп, шатлана-шатлана, берсен-берсе уздырып шигырь сөйләде, күңел кылларын тибрәтердәй аһәңле көйләр яңгырады.  Шушы кыска гына вакыт аралыгында  балаларның барысы да укырга, язарга, матур итеп сөйләргә, хикәяләр, шигырьләр, җырлар, әйтемнәр, табышмаклар сөйләргә, әдәпле  булырга, өлкәннәрне-кечеләрне ихтирам итәргә, иптәшләре  белән дус яшәргә, ярдәмчелбулырга өйрәнделәр.

       Әлифба бәйрәме һәр бала күңелендә онытылмас бер хатирә булып узып та китте. Мондый бәйрәмнәр, балаларга, бер яктан, олы шатлык китерү чарасы булса, икенчедән, алар нәниләрнең һәрьяклы үсешен тәэмин итүгә зур этәргеч тә. Балалар бергәләп эшләгән эш нәтиҗәләрен күреп эчкерсез сөенәләр, бер- берсенә тагын да якынаялар, дуслашалар.