1нче февраль көнне безнең мәктәбебездә 5 сыйныф укучылары катнашында Муса Җәлилнең тормыш юлы һәм иҗатына багышланган викторина узды. Викторинаның Муса Җәлил иҗатына багышланган булуы юкка гына түгел, чөнки 15 февраль - герой –шагыйребезнең туган көне. Әлеге чарада укучылар,  ике командага бүленеп, төрле биремнәр һәм сорауларга җавап эзләп, көчләрен сынаштылар.  Сораулар  төрле кызыклы фотолар һәм шигырьләрдән өзекләр кулланып төзелгән иде һәм слайдлар ярдәмендә  экранда күрсәтелеп барылды. Укучылар бик теләп катнаштылар, фикерләр алыштылар һәм белемнәрен сынап карадылар. Әлеге чара аларны Муса Җәлил иҗаты белән тагын да ныграк кызыксынырга, шигырьләрен өйрәнергә этәргеч ясады.

      Батыр үлә, үлмәс ат алып,

               Батырлыклар белән макталып,

            Исемең калсын үзең үлсәң дә,

      Тарихларда укып ятларлык.

                                                                                  М. Җәлил.

                                                                       Гөлчәчәк Әһтәмова