20 февраль көнне Иске Казиле урта мәктәбендә Ватанны саклаучылар көненә багышланган зур чара булып узды. Чараны мәктәбебезнең директоры Гыйлметдинов Халит Бәдретдин улы ачып җибәрде.Ул әтиләребезне борчыган сорауларга җавап бирде һәм кызыклы гына әңгәмә корды. Әтиләребез дә бик күп җыелган иде. Кадерле әтиләребезне бәйрәм белән котлау өчен, тәрбия эшләре буенча директор урынбасары Булатова Гөлзидә апа белән берлектә    укучылар концерт әзерләделәр. Әлеге концерт, җырлар,  төрледән-төрле биюләр һәм   шигырь юллары белән үрелеп барды.

            Аннан соң әтиләребезне ярыштырып алу өчен,  спорт залына җыелдык. Биредә Закиров Айнур һәм Галиуллин Камил абыйлар  җитәкчелегендә спорт уеннары оештырылды.Әтиләр өч командага бүленеп көч сынаштылар. Уеннар тәмамланганнан соң, иң актив катнашкан  әтиләргә мактау грамоталары тапшырылды. Алар арасыннан иң-иң актив әтиләр билгеләнде: Зөбәеров Таһир, Хасанов Әхмәт, Батыйров Рамил, Зиганшин Фәрит, Хадиев Ришат, Аскаров Илһам һәм башкалар.Ярышып алганнан соң, әлеге очрашу чәй табыны артында дәвам итте. Әтиләребез өйләренә яхшы кәеф белән ял  итеп кайтып киттеләр.

             Кадерле ир-атлар!  Сезне 23 февраль -Ватанны саклаучылар көне белән тәбрик итәбез!Сез- тынычлык өчен көрәшүчеләр, сез-безнең саклаучыларыбыз.Дөньяларыбыз имин, күкләребез аяз, дөньяларыбыз тыныч булсын!

Галиуллина Инзилә

Иске Казиле урта мәктәбенең 10 нчы сыйныф укучысы.