Кама Тамагы  татар  урта  гомуми  белем бирү мәктәбендә укучыларны өстәмә белем чыганаклары ярдәмендә актив танып белү эшчәнлегенә җәлеп итү, яшь буынны сәламәт яшәү рәвешенә өйрәтү, зарарлы гадәтләрнең сәламәтлеккә зыян китерүен аңлату максатыннан “Зарарлы  гадәтләр безгә юлдаш түгел!”  исеме астында акция старт алды. Чара укучылар комитеты  һәм  “Яшь дружинниклар» отряды әгъзалары белән берлектә үткәрелде. Активистлар билгеләнгән сыйныфларда сәламәтлеккә тискәре йогынты ясаучы зарарлы гадәтләр турында әңгәмәләр үткәрде, видеоматериаллар ярдәмендә укучылар сәламәтлекнең зур байлык икәненә тагын бер кат инанды, викторина сорауларына җаваплар эзләде. Үз сәламәтлегеңне син генә саклый аласың!