12 нче  декабрьдә  Олы Кайбыч  урта  гомумбелем  бирү  мәктәбе  базасында  ир- егетләр  арасында   бадминтон  буенча  район  беренчелегенә ярыш  узды. Бу ярышта  мәктәбебез директоры  Хамидуллин  Ильмас  Илдар  улы  да  катнашты. Ул  кырык  яшькә  кадәрле  спортчылары  арасында  IV  урынны  яулады. Без аны  бу уңышы белән котлыйбыз.  

12.12.12.

Бүген мәктәптә РФ  Конституциясе көне билгеләп  үтелде. Тарих укытучысы  Вилданова Ләйсән Хәбир кызы  Россия Конституциясе  һәм   аның  әһәмияте турында  сөйләде.

5.12.2012.

“Өстәл  теннисы” түгәрәге  мәктәптә  беренче  елын  гына  эшли.Түгәрәк  уздыру  өчен  ике  махсус  өстәл дә  кайтарылды. Балалар түгәрәк  җитәкчесе  Ильмас  Илдарович  ярдәмендә әлеге  уенның  серләренә  төшенәләр, үзара ярышлар уздыралар.

Һәр көнне иртән мәктәптә  гимнастика үткәрелә.Бу чарага  укучылар бик теләп катнашалар.

6.12.2012

4 нче сыйныф укучылары “Мозаика” Бөтенроссия интеллектуаль турнирында катнашты. Рус теле,чтение, математика,әйләнә-тирә дөнья фәннәре буенча  уздырылган бу турнирда класстагы барлык укучылар да активлык күрсәтте.

30 ноябрьдә  Буа шәһәрендә  республика семинары булып узды. Анда “Внеурочная деятельность с элементами ИКТ в условиях реализации системы развивающего обучения» дигән темага сөйләшү алып барылды.Монда   безнең мәктәптән башлангыч сыйныф укытучысы Садриева Энҗе Рөстәм кызы да катнашты.

1 нче декабрь көнне район мәдәният йортында “Сабантуй” газетасы коллективы,”Айфара “ төркеме укучыларга бик матур, эчтәлекле очрашу үткәрде.Алар үзләренең иҗат эшләре белән таныштырдылар,концерт күрсәттеләр.

Мәктәптә сәламәтлек театры атналыгы дәвам итә.6 нчы сыйныф укучылары  3 әү генә булсаларда, бик матур күренеш күрсәттеләр.

Укучыларның иң  көтеп  алган  вакыты   ул  дәрестән  соң  эшчәнлек.Яңа  стандартларга  нигезләнеп, 2 нче  сыйныф  укучылары  бик  теләп  “ Математика  сөючеләр” һәм  “ Грамотей”түгәрәкләрен   көтеп  алалар.Укучылар  белән  укытучылары  Энҗе  Рөстәм кызы шөгыльләнә. Алар  математика  фәнен тирәнтен  өйтәнү  өчен  төрле  катлаулы  мәсьәләләр  чишәләр, төркемнәргә бүленеп күп  кенә  төрле  башваткыч  бәйгеләрдә  көч  сынашалар. “Грамотей” түгәрәгендә  рус  теле  фәнен күбрәк  өйрәнүче  өчен  төрле  кроссвордлар, ребуслар  чишәләр.Үзләренең сүзлек  байлыкларын  арттыралар.