Әти-әнигә хөрмәт, ихтирам тәрбиялә, гаилә һәм мәктәпнең бердәмлеген ныгыту, балаларны гаилә традицияләренә җәлеп итү, спортка һәм сәламәт яшәү рәвешенә уңай мөнәсәбәт тәрбияләү максатыннан бүген башлангыч сыйныф укытучылары Хәмидуллина М.С. һәм Садриева Э.Р. шул исем астында гаиләләр арасында  бәйге уздырдылар. Ярышта Сабировлар (3 кл), Әсәдуллиннар (2 кл), Хикмәтуллиннар (3 кл), Миңнуллиннар(3кл), Фәизовлар (1 кл), Сәмигуллиннар (2 кл), Сабировлар (4 кл), Насретдиновлар(2 кл) катнашты. Спорт ул кешеләрне берләштерә, дуслаштыра торган бер чара. Спорт сөюче кеше генә сәламәт, матур була ала. Тату гаиләдә генә тәрбияле, акыллы балалар үсә. Тату гаиләнең терәге булган әтиләр, гаиләнең учагын саклаучы әниләр һәм тормышка ямь өстәүче балалар бүген үзләренең гаиләләренең көчен, җитезлеген, тапкырлыгын һәм татулыгын сынарга килделәр һәм сынатмадылар.  Бәйге   бик күңелле узды:  төрле конкурслар, олимпиада турында сораулар, спорт уеннары,  боулинг һәм  һәм хәтта биюләр дә булды. Биредә беркем дә җиңелмәде, ә киресенчә үз-үзләрен яхшы кәеф, күтәренке күңел белән бүләкләделәр, һәр гаилә төрле номинацияләрдә Грамоталарга лаек булды. Бәйрәм чәй табыны артында дәвам итте.