8-9 нчы сыйныф укучыларының ата - аналар җыелышы оешкан төстә үтте. Сыйныф җитәкчесе оештыру мәсьәләләре белән таныштырса,  мәктәп җитәкчесе Лилия Тәлгәтовна  имтихан бирүдәге кайбер мөһим үзгәрешләр белән таныштырды. Фән укытучылары да үзләре фәненә куелган таләпләр белән уртаклашты. Алда зур сынаулар. Шуңа да бүгенннән үк җиң сызганып укырга керешергә кирәк. "Хезмәтнең тире ачы, җимеше татлы булыр" - ди халык мәкале. 

Мәктәбебездә Өлкәннәр көне уңаеннан зур мәҗлес оештырылды. Аларны котлап күпләр чыгыш ясады. Иң - иңе,  мөгаен, укучылар һәм укытучылар тарафыннан оештырылган бәйрәм концерты. Җылы, күркәм теләкләргә без дә кушылабыз. Картлыгыгыз саулык - сәламәтлектә, ил - көн тынычлыгында, бәхеттә үтсен. 

"Укытучылар көне"  уңаеннан, укучылар тарафыннан зур бәйрәм кичәсе әзерләнгән иде. Рәхмәт сезгә.

Хөрмәтле укытучылар! Көчегез төкәнмәвен, эшләү дәрте сүрелмәвен, укучыларыгыз белән үзара аңлашу һәм укытучы һөнәренә тугрылык телим. Һәрвакытта һәм һәркайда уңышлар юлдаш булсын.

Районыбызда ел саен мәктәп ярминкәләре гөрли. Без дә район халкына мәктәбебез бакчасында үстерелгән яшелчә һәм җиләк - җимеш тәкъдим иттек һәм ярыйсы гына күләмдә табыш та керттек.

5 нче сыйныф укучылары математикадан тест үтте.

"Минем яраткан укытучым" конкурсының район этабында катнашып, Миләүшә Гөбәева (3- сыйныф)- 1 урын, Ильвина Сабирова (1 сыйныф) - 3 урын яулады.  Булдырасыз, кызлар!

Миләүшәбез  республика күләмендә чыгыш ясау хокукына ия булды. Уңышлар сиңа, Миләүшә!

Балалар ышаныч телефоны – балалар һәм яшүсмерләргә аноним рәвештә бушлай психологик ярдәм күрсәтү хезмәте. Анда авыр тормыш хәлендә калган үсмерләр ярдәм, киңәш сорап мөрәҗәгать итә ала. Гомумроссия балалар ышаныч телефоны- 8-800-2000-122 тәүлек әйләнәсе эшли. Шул максаттан укучылар белән сыйныф сәгатьләрендә әңгәмләр үткәрелде.

“Милләтләр кроссы” – Россия территориясендә үткәрелә торган спортның җәйге төрләре буенча иң масштаблы массакүләм спорт чарасы. Без дә чарадан читтә калмадык. 

Бөтенроссия пенсия грамоталылыгы көне яшьләрнең пенсия һәм социаль грамоталылыгын күтәрүне максат итеп куя. Шул максаттан, пенсия фонды хезмәткәрләре Сөнгатуллина Гүзәлия Хәбир кызы, Шаһиәхмәтова Гөлнара Зөфәр кызы укучылар белән дәрес үткәрде. Кирәкле мәгълүматлар җиткерү белән беррәттән аларны кызыксындырган сорауларга да җавап бирделәр.