Бүген райныбызда,шул исәптән безнең мәктәптә дә гражданнар оборонасы буенча уку-өйрәнүләр булып узды.Укытучылар коллективы барлык таләпләргә туры китереп мисалларда эвакуацияләү планнарын, схемаларда биналарны, "ана һәм бала" бүлмәләрен һәм башка хәзерлекләрен күрсәттеләр. Көтелмәгән хәлләргә әзерлек, төгәллек, уяулык турында уку-өйрәнүләрнең мөһимлегенә кат-кат басым ясалды.

Бүген мәктәптә районның рус теле һәм әдәбияты укытучыларының "Рус телен һәм әдәбиятын укыту практикасында заманча дидактик алымнар тормышка ашыру» темасына семинар булып узды. Рус теле һәм әдәбияты укытучысы Садриева Алсу Зөлфәкарь кызы 6 нчы сыйныфта дәрес күрсәтте.

Бүген 9 нчы сыйныф укучылары рус теленнән әзерлек имтиханы тапшыралар,әзерлек дәрәҗәсен тикшерәләр.

12 декабрь көнне мәктәбебезнең "Яшел ут"исемендәге яшь юл инспекторлары отряды ЮИД смотр-конкурсының муниципаль этабында катнашып 3 урын яуладылар.Киләчәктә дә уңышлар телибез.

Бүген мәктәптә Россия Конституциясенең 25 еллыгы уңаеннан класс сәгатьләре, ачык чаралар булып узды.

Наша школа присоединилась к Всероссийской акции «Урок Цифры», направленной на повышение интереса молодежи к информационным технологиям — в продолжение ежегодной акции «Час Кода». Во время акции школьники с 1 по 9 класс познакомились с основами программирования и погрузились в увлекательный мир цифровых навыков. 

1993 елдан 3 декабрь Халыкара инвалидлар көне итеп билгеләнде. Әлеге дата белән бәйле рәвештә декабрь башын инвалидлар декадасы итеп үткәрү традициягә керде.Декаданы үткәрүнең максаты –  инвалид-кешеләрнең проблемаларын аңларга юнәлдерү, әдәплелек сыйфатлары тәрбияләү. Шушы декада кысаларында мәктәптә төрле чаралар планлаштырылды.Иртәнге линейкада укучылар әлеге план белән таныштырылды, рәсемнәр конкурсына старт бирелде.

Мәктәбебездә "Кояшым син,Әнием!" исемле Әниләр көненә багышланган бәйрәм булып узды.Укучылар,укытучылар көче белән әзерләнгән кичәне әниләр, әбиләр яратып карадылар.Кичә котлау чыгышлары ,кызык конкурслар һәм концерт номерлары белән үрелеп барды.Бәйрәм чыннан да бик матур, оешкан төстә барды.Бу чараны башлангыч сыйныфлар укытучысы Хәсәнова Миләүшә Мансур кызы оештырып ,бик күңелле итеп алып барды.

Кайбычта авыл халкының эшлеклелек активлыгын арттыру мәсьәләләренә багышланган зона семинар-киңәшмәсе узды. Семинарга әзерлек чараларында безнең мәктәп тә актив катнашты. 

Бүген районның "ЭКО" мәктәптән тыш эшләр үзәгендә яшь армиячеләрнең "Бөркетләр очарга өйрәнә" дигән исем астында альбомнар конкурсы булып узды.Яшь армиячеләрнең отряд командирлары үзәренең альбомнарында эшчәнлекләрен чагылдыруларын һәм мәктәп,район, республикакүләм уздырылучы чараларда, акцияләрдә катнашуларын яклап чыгыш ясадылар.Һәр мәктәп отряды Герой пионерларга багышлап стена газетасы да ясаганнар.Безнең мәктәптән дә бу чарада Гөбәева Миләүшә катнашып, альбом яклады.