2023 елның 23 нче ноябрендә  Казан шәһәре Мәскәү районының 55 нче номерлы мәктәбендә туган теле укытучыларының "Туган тел дәресләрендә һәм дәрестән тыш эшчәнлектә уку грамоталылыгын формалаштыру һәм үстерү" темасына район семинары узды. Чара укытучыларның функциональ грамоталылыкны формалаштыру буенча эш тәҗрибәсен гомумиләштерүгә һәм таратуга, укучыларның логик фикерләвен һәм иҗади активлыгын үстерүгә юнәлдерелгән. Семинар кысаларында 2, 3, 5 һәм 6 нчы сыйныфларда Туган теле буенча ачык дәресләр һәм “Зигзаг” алымын куллану темасына осталык дәресе  тәкъдим ителде, анда педагоглар укучыларны төрле эшчәнлеккә җәлеп итеп, проблемалы ситуацияләрне хәл итү юлларын табарга, мәгълүмат белән эшләргә, практик мәсьәләләрне хәл итәргә өйрәттеләр. Семинарда катнашучылар чараларны оештыруның югары дәрәҗәсен, мәктәп укытучыларының уку материалын сайлап алуга һәм тәкъдим итүгә иҗади якын килүләрен  билгеләп үттеләр.