“Бердәм Россия” сәяси партиясе инициативасы белән быел ел ахырына кадәр 45 муниципаль берәмлектә 319 мәйданчык төзү каралган иде. Сәламәт яшьләрнең өметле киләчәк икәнен аңлап һәм Универсиада объектларын төзегәндә күрсәтелгән ярдәм өчен Республика Президенты районыбызга 11 спорт мәйданчыгы бүләк итте. Бүген шуларның берсе  бездә ачылды.

Мәйданчыкларны ачу тантанасында район башлыгы Рауил Рәхмәтуллин, Россия Дәүләт Думасы депутаты Ирек Гыйльметдинов, “Строй-Гарант” төзелеш оешмасының генераль директоры Илсур Шәрипов, район мәгариф идарәсе җитәкчесе Роберт  Мансуров һәм башкалар катнашты.

Спорт мәйданчыклары төзелү балаларга да, яшьләргә дә зур мөмкинлекләр тудырачак. Алар беркайчан да буш тормаслар, киләчәктә тагын да күбрәк спортчылар, чемпионнар үсеп чыгар, дип ышанабыз.