Районыбызда мәктәп  ярминкәсе гөрләп үтте. Мәктәбебез бу ярминкәдә актив катнашты.Мәктәп яны тәҗрибә участогында җәй буе укытучылар һәм укучылар тырышлыгы белән үстерелгән төрледән - төрле яшелчәләр район халкына тәкъдим ителде.Ярминкәгә әзерләнгәндә укытучылар һәм укучылар 6 төрле номинацияне күздә тотып эш башкарды.”Чәчәкләр патшалыгы” номинациясендә мәктәбебез каршында устерелгән матур чәчәкләрдән төрле композицияләр урын алса,”Минем чемпион” номинациясендә бакчабызның иң зур яшелчәләре катнашты.1,140 кг зурлыгындагы бәрәңгебез республика ярминкәсендә катнашачак!Укучыларыбыз “Табигать остаханәсе” номинациясенә аеруча теләп әзерләнделәр.Алар бакчабызда үскән төрле яшелчәләрне кулланып урман җәнлекләрен,әкият геройларын,кон-күреш савыт-саба һ.б. фигураларны искиткеч оста итеп ясадылар. “Яшел аптека “номинациясендә сатып алучыларга 20 дән артык дару үләннәре тәкъдим ителде.Ярминкә укучыларның күңелле җырлары һәм биюләре белән үрелеп барды.