6 февраль көнне Күкшел мәдәният йортында  Бөек җиңүнең 70 еллыгына багышланган район күләмендә үткәрелгән смотр конкурста катнаштык. Балалар тыл ветераннарына чакыру кәгазьләре, канәфер чәчәкләре ясадылар.

2 февральдән 12 февральгә кадәр математика укытучысы Хасанянова Вәсилә математика атналыгына багышланган "Яшь эшмәкәр" дип исемләнгән ачык чара үткәрде. Бу чараның максаты булып укучыларны мөстәкыйль тормышка әзерләү; экономик төшенчәләр белән таныштыру (банк, налог, биржа, реклама); игътибарны бер эштән икенчегә күчерүне үстерү; нәтиҗәгә ирешү күнекмәләрен ныгыту; башланган эшне ахырына җиткерергә өйрәтү; дуслык, намуслылык, ярдәмләшү, яхшы хезмәт сөючәнлек тәрбияләү. Укучылар атналыкта актив булдылар, барлык конкурсларда катнаштылар, уенның ахыргы нәтиҗәсе булган ярминкәгә тиешле акчаны җыеп, сату-алу эшен оештырдылар. Ахыргы көндә җиңүчеләр билгеләнде, бүләкләр өләшенде.

2015 нче елның 30 нчы январь көнендә безнең мәктәп-интернатка кунаклар килеп төште.

Кышның салкыннарыннан да курыкмыйча, балаларның күңелен күрүчеләр - районыбызда, республикада танылган "Баламишкин" ансамбеле иде. Алар авыл клубында бик матур концерт күрсәттеләр. Баян, тальян гармун көйләре барыбызның да йөрәкләрен кузгатып, күзләрне яшьләндерде. Җырчыларның моңлы, ягымлы тавышларын дөньябызны онытып тыңладык. Өлкәннәр дә, балалар да карап та, тыңлап та туймадылар, вакытның үткәне дә сизелмәде.

Шундый кешеләр барында татар халык җыры, моңы, теле югалмас.

Алар балаларга бүләкләр дә өләштеләр, сөенечнең чиге булмады.

26 январь көнне башлангыч сыйныф укытучысы Халиуллина Диләрә башлангыч сыйныфлар атналыгына багышланган “Без - табигать балалары” дип исемләнгән сыйныфтан тыш чара үткәрде.

21 январь көнне башлангыч сыйныф укытучысы Хамидуллина Лилия башлангыч сыйныфлар атналыгына багышланган “Уеннарда - хәрәкәт , хәрәкәттә – бәрәкәт” дип исемләнгән сыйныфтан тыш чара үткәрде.

19 январь көнне башлангыч сыйныф укытучысы Хамидуллина Лилия башлангыч сыйныфлар атналыгына багышланган “Нәрсә? Кайда? Кайчан?” дип исемләнгән викторина үткәрде.