Каникул чорында балалар катнашында юл фаҗигаларын кисәтү максатыннан районыбызның ГИБДД бүлеге җитәкчесе Фахрутдинов Фирдүс Канифович белән очрашу уздырдык. Укучылар җәяүлеләргә, пассажирларга, велосипед һәм скутер йөртүчеләргә карата юл йөрү кагыйдәсендә язылган таләпләр белән таныштырылдылар.

Галиев Б, Хусаенова Г., Мамадҗанов И., Гатауллина Ф., укытучылары Гимадиев Ә.И. җитәкчелегендә мәктәбебезнең данын яклап  районыбыз башлыгы кубогына үткәрелгән өстәл теннисы ярышында катнаштылар.

СХПК “Урал”ның фермаларына 6 класс укучыларының профориентация юнәлешендәге экскурсиясе файдалы һәм нәтиҗәле узды.

Алинә Ринатовна җитәкчелегендә 7 класс укучылары мәктәп музеенда “Батырлык “ дәресен дә булдылар.

Шакиров С., Ганиев Б., Юнусов А., Закиров Р., Хакимов И., Гарипов А., Гатауллин Р., Ганиев Р. районыбыз беренчелегенә үткәрелгән мини-футбол ярышында мәктәбебез данын яклап уңышлы чыгыш ясадылар.

Хәрби патриотик айлык кысаларында 6 классның “Батырлык” тәрбия сәгате мәктәп музеенда үткәрелде. Укучылар бай эчтәлекле музеебызда авылыбызның тарихы, халкының үрнәк алырлык тыныч хезмәттәге уңышлары, Бөек Җиңүне якынайту өчен  куйган көче өчен горурлык хисе тойдылар.

8 Март Халыкара хатын-кызлар көне бәйрәмендә “Хатын кызларның илебез тормыш көн-күреше үсешендәге роле” темасына башваткыч конкурсы уздырылды. 5-6-7 класс укучыларыбыз хатын-кызларның зур хөрмәткә лаеклы булуларына тагын бер кат инандылар.

6 мартта укучылар Спартакиадасы кысаларында баскетбол уенының куст ярышларын оештырдык. Кызларыбыз һәм егетләребез мәктәбебез данын яклап уңышлы чыгыш ясадылар.

3 март көнне башкалабыз Казанның Бөек Ватан сугышы музее директоры Черепанов М.В. Һәм бик күп хәбәрсез югалган ватандашларыбызны табуда зур хезмәт куйган “Кар десанты” хәрәкәте әгъзаләре белән очрашу булды. Алар үзләренең хезмәт нәтиҗәсе белән таныштырдылар, бик күпләрдә сугышта хәбәрсез югалган бабайларының табылачагына өмет уяттылар. Мәктәбебезнең “Хәтер” группасы эшчәнлегенә зур бәя бирделәр.