30 нчы ноябрь көнне, 2 нче һәм 3 нче сыйныф укучылары әзерләгән (укытучылары Федорова Нина Ивановна һәм Вәлиуллова Гүзәл Исхаковна), “Әниләр көне”нә багышланган бәйрәм узды. Укучылар  әниләренә булган хөрмәт, ярату хисләрен берсеннән-берсе матур җырлар һәм шигырьләр аша тапшырдылар. Һәр чыгышта әниләргә карата булган җылы караш, сөю ялкыны  сизелеп торды. Әлеге кичә әниләр һәм балалар белән бергә уйналган уеннар, күңелле мизгелләр белән үрелеп барды. Шулай ук залны бизәгән плакат һәм рәсем күргәзмәләре дә ямь өстенә ямь өстәп торды. Бу бәйрәм турында җылы һәм якты истәлекләр әниләрнең дә, безнең дә күңелләрдә озакка сакланачак әле. 

 Син, әнием, минем өчен

Бу дөньяда бер генә.

Елмайганда йөзләреңнән

Бар өйгә нур бөркелә. 

Тыңлап бишек моңнарыңны,

Елавым басылган бит.

Телем дә минем иң әүвәл

“Әннә” дип ачылган бит.