Башлангыч  мәктәптә дәресләрдә тәнкыйди фикерләүне үстерү

  Мәгариф өлкәсендә барган тирән үзгәрешләр чорында башлангыч мәктәп алдында укыту-тәрбия процессында  яңа технологияләр куллану проблемасы-бик  мөһим мәсьәләләрнең берсе. 10нчы мартта шәһәребезнең 8 мәктәбендә башлангыч сыйныф укытучылары өчен оештырылган зональ  гамәли семинарның темасы да (“ФББДС шартларында укучыларда эзләнү культурасы формалаштыруның шарты буларак башлангыч мәктәптә балаларның тәнкыйди фикерләү сәләтен үстерүдә дәвамчанлык”)  укыту-тәрбия процессын яңа алымнар куллану аша камилләштерү бурычын хәл итү юлларын ачыклауга багышланган иде. Район мәгариф идарәсе методисты Г.М.Гаделшина, 8нче мәктәпнең директор урынбасары Л.Р.Кашапова, методик берләшмә җитәкчесе Е.С.Алтапова, үзләренең чыгышларында башлангыч мәктәптә укучыларда тәнкыйди фикерләү сәләтен үстерү мәсьәләсен  мисаллар аша төрле яктан яктыртты. Семинарның гамәли өлешендә 8нче мәктәп укытучылары, 19нчы, 25нче балалар бакчасы тәрбиячеләре ачык дәресләр, мастер-класслар күрсәтте. Шулай ук Әлмәт, Азнакай районы мөгаллимнәре бик кызыклы  мастер-класслар аша укучыларда тәнкыйди фикер йөртү күнекмәләре үстерү алымнары белән уртаклаштылар. Гамәли семинарны йомгаклаганда анда катнашучылар уртак фикергә килделәр: тәнкыйди фикерләү бала шәхесенең   иҗади үсешен , акыл  үсешен тәэмин итә,  баланы үз өстендә даими эшләргә өйрәтә, аны киләчәк тормышка әзерли.

Развитие критического мышления на уроках в начальной школе

            «Всё наше достоинство – в способности мыслить.

  Только мысль возносит нас, а не пространство и время,

  в которых мы ничто.

                                                             Постараемся же мыслить достойно – в этом основа