Урмышлы мәктәбенең 4-7 сыйныф укучылары "Ялкын журналы" тарафыннан  оештырылган "Минем гаиләм" конкурсында катнаштылар. Эшләрне инстаграм битләрендә күрә аласыз.

Май бәйрәмнәреннән соң укучылар бик теләп дистанцион дәресләргә кереште. 7 сыйныфта рус теле дәресен Раушания Валиевна алып бара.

Мәктәп авыл советы белән берлектә авылыбызның сугыш  ветераны Якупов Гата бабайны Бөек Җиңү бәйрәме белән чын күңелдән котлады.

Урмышлы мәктәбе укучылары үзләренең сугышта катнашкан әби-бабайлары турында инстаграмга информация куеп  "Үлемсез полк" акциясендә катнашты.

Бүгенге 8 класста үткән дистанцион физкультура дәресендә  район мәгариф бүлеге җитәкчесе урынбасары Галия  Котдусовна да утырды. Укытучы Абдуллина И.М. практик дәрес алымнарын күрсәтте. 

Бу көннәрдә ТАССРның 100 еллыгына багышланган класс сәгатьләрен укытучылар ZOOM платформасы аша үткәрделәр.

Урмышлы мәктәбе укучылары "Үлемсез полк" проектын башлап җибәрделәр.Сугыш җиле кагылмаган гаиләне табу кыендыр. Һәр укучы үзенең Бөек Ватан сугышында катнашкан яки тылда эшләгән әби -бабайлары турында сөйләп мәктәпнең инстаграмына куялар.

Укучыларны читтән торып укыту дәвам итә .Укытучылар һәм укучылар РЭШ, УЧИ.РУ,  ZOOM платформаларында эшлиләр.23 апрель көнендә үткәрелгән 7 класслардагы география дәресендә (укытучы Газизова Р,М.) методист Элиза Фазлыәхмәтовна да катнашты.

Урмышлы мәктәбендә 21-25 апрель көннәре  Тукай атналыгы дип игълан ителде. Укучылар Бөек шагыйрыбезның шигырьләрын ятлыйлар, җырларын өйрәнәләр, әсәрләренә иллюстрацияләр ясыйлар. Аларның  иҗаты белән мәктәбебезнең   urmushlinskaya инстраграмында таныша аласыз.