21 февральдә дөньякүләм билгеләп үтелгән Халыкара туган тел көненә бәйле чаралар мәктәбебездә атна дәвамында уздырыла.  Шул арада төрле конферен-цияләр, очрашулар, тел буенча конкурслар оештырыла. Әлеге чараларга һәрбер укучы, укытучы, барлык ата-аналар җәлеп ителә. Быел да мәктәбебездә бик күп чаралар узды:  тантаналы рәвештә  бәйрәмне  ачу, әдәби-музыкаль кичә, китапханәдә китаплар күргәзмәләре оештырылса, сыйныфларда төрле темаларга  фикер алышулар булып узды. 1-6 сыйныф укучылары исә татарча мультфильмнар карап, фикер алыштылар. “Сыйныфтан тыш иң күп китап укучы” титулын 8 сыйныф укучысы Зәйнетдинова Асыл, ә “Нәни полиглот” титулын 3 сыйныф укучысы Казыйханова Диләрәләр яулады- ул татарча,  русча һәм инглиз телендәге китапларны бик теләп укый. Рус һәм татар теле дәресләрендә “Туган телем-назлы гөлем”, “Татарча да яхшы бел- урысча да яхшы бел,  Икесе дә безнең өчен бик кирәкле, назлы тел “ дигән темага иҗади эшләр яздылар.