Хөрмәтле укучылар, укытучылар һәм ата-аналар! Сентябрь ае ахырында мәктәптә "Китап- киңәшчем минем" исемле зур бәйрәм көтелә. Бәйрәмгә зур кунаклар- спонсорлар да чакырулы. Шуларның берсе- "Казгорсвет" җәмгыятенең баш инженеры- безнең авыл егете, һәрдаим мәктәпкә ярдәм кулы сузучы хөрмәтле авылдашыбыз-Саляхов Дамир Рамил улы да киләчәк. Быел ул укучыларны мәктәп китапханәсенә ясалган стендлары белән сөендерәчәк ("Сабантуй", "Пионерская правда", "Китапханәче почмагы", "Укучы почмагы", Укытучы почмагы", Истәлекле даталар", "Ата-аналар почмагы", "Норматив-хокукый документлар"- шушындый исемдәге  зур зәвык белән эшләнгән стендлар мәктәп китапханәсендә, коридорларында, рекреацияләрендә үз урынын табып, укучылар, укытучылар, ата-аналар өчен зур ярдәмлек булыр дип өметләнәбез). Кичәнең калган өлеше хәзергә сер булып саклана. (Ләкин бер серне алдан әйтеп кую да урынлы булыр: шәхси китапханәгездә "артык" булган китапларыгызны барлый торыгыз- ул көнне бүләккә китаплар кабул итеп алачакбыз. Инде  бу изге эшне рус теле һәм әдәбияты укытучысы Габдуллина Ралинә Нургали кызы һәм информатика укытучысы Сәйфетдинова Зөлфия Зиннәтулла кызлары башлап та җибәрделәр- берничә дистә китап мәктәп китапханәсендә үз урыннарын алды)