Барлык укытучыларны, укучыларны Белем көне һәм яңа уку елы башлану белән чын күңелдән тәбрик итәбез! Белем дөньясына сәяхәт уңышлы һәм мавыктыргыч булсын!!!

12 июнь - Россия Федерациясенең дәүләт суверенитеты турындагы декларация кабул иткән көн. Шул уңайдан "Дуслык" ял һәм сәламәтләндерү лагеренда, "Кояшкай" хезмәт һәм ял лагеренда йөрүчеләр китап күргәзмәсе белән таныштылар, "Россия -туган йортыбыз" дигән темага әңгәмә үткәрелде. Әңгәмә барышында укучылар төрле сорауларга җавап бирделәр. Соңыннан укучылар мәктәп музеенда булды.

Укучыларны ял иттерү, сәламәтлекләрен ныгыту максатыннан 6 нчы июнь көнне "Дуслык" мәктәп яны лагеры эшли башлады. Анда 10 бала ял итә. Мәктәп базасында шулай ук 15 укучыга исәпләнгән "Кояшкай" хезмәт һәм ял сменасы эшли.Ял итүче балалар белән эш махсус төзелгән план нигезендә алып барылачак, кызыклы экскурсияләр, күнел ачу чаралары һәм төрле шөгыльләр оештырылачак.

Хәерле юл,Сезгә! Куллар болгап

Сезне менә озатып калабыз.

Эшләрегез һәрчак уңай булсын,

Изге хисләр безнең йөрәктә.

Хәерле юл Сезгә,Унберенчеләр-

Калабыз без шушы теләктә!

16 нчы май көнне гаиләгә һәм балаларга социаль ярдәм күрсәтү үзәгенең Мамадыш бүлеге психологы Василова Светлана Сергеевна 9, 11 класс укучылары, педагогик коллектив һәм чыгарылыш класс укучыларының әти-әниләре белән психологик дәресләр үткәрде.

Дүсмәт урта мәктәбе укучылары 7 нче май көнне Җиңү көне уңаеннан митингта катнаштылар, Билгесез солдат һәйкәленә венок куйдылар. 
Булмасын ла иде бу тормышта,
Гаделсезлек, михнәт, кайгылар.
Яз гөлләре булып чәчәк атсын
Күңелләрдә иң саф тойгылар!
Күкләребез мәңге аяз булсын,
“Уф” дип алмыйк әле сулышны
Көннәребез тыныч үтсен берүк,
Беркайчан да күрмик сугышны.....

26 апрель - татар халкының бөек шагыйре Габдулла Тукайның тууына 130 ел. Шул уңайдан безнең мәктәптә дә әдәби-музыкаль кичә үткәрелде.

В рамках эколого-просветительской акции "Добрая Земля" с 23-по 30 апреля в школе планируется проведение ряд мероприятий.

20 апрель көнне “СӘЛӘТ” яшьләр үзәге, ТАТТелеком оештырган “Габдулла Тукайның 130 еллык юбилеена багышланган” сәләтле сөйләм бәйгесеннән 10 класс укучысы  укучысы Нафикова Гөлназ диплом белән кайтты (җитәкчесе Нафикова А.Б.). Котлыйбыз!!!