3Д рәсемнәрен ясау җиңел түгел. Ә тырышсаң, бар да була!

26 нчы апрель көнне башлангыч  һәм 7 нче класс укучылары белән берлектә агач утырту акциясендә катнаштык.

Балалар бакчасында тәрбияләнүче балалар белән 6,8 нче сыйныф укучылары Тукайны искә алып үттеләр. Бөек шагыйребез Г.Тукай язган шигырьләрне укучылар бик яратып яттан сөйләделәр. Ә кечкенәләр шигырьдәге вакыйгаларны уйнап күрсәттеләр.

"Туган якны өйрәнү" түгәрәгенә йөрүче укучылар "Ханнар зираты"нда булып кайттылар. Тарих фәне укытучысы, түгәрәк җитәкчесе Хайруллин РМ. укучыларны аның тарихы белән таныштырды.

География буенча кайбер темаларны тирәнтен үзләштерү максатыннан  "Могҗизалар кыры"  уены үткәрелде. Уенда 12 укучы катнашты. Супер уенга бары тик бер генә укучы үтә. Ул- Инсаф, 8 нче класс укучысы.

Бүген 21 нче апрель. Мәктәпләрдә авыл җирлеге башлыклары белән очрашулар узды. Алар укучыларның биргән сорауларына җаваплар бирделәр. Авыл җирлеге башлыкларының эш системасы хакында сөйләделәр.

Тау башына язылган "Бөек Җиңүгә- 69 ел"  сүзләрен 10 нчы класс укучылары һәм тормыш иминлеге нигезләре фәнен алып баручы Шакирзянов И.Г.  акшар белән буяп төштеләр. Сугыш ветераннарына һәм тыл хезмәтчәннәренә хөрмәт кечкенәдән башлана.

Район мәгариф бүлегенең әйдәп баручы белгече Диләрә Файзрахмановна Гыйлманова укучылар һәм аларның әти-әниләре белән очрашты. Ул үзенең чыгышында имтиханнарда булачак яңалыклар, закон тарафыннан нәрсәләр алып керергә ,яки нәрсәләр алып керергә ярамаганлыгы хакында сөйләде. Ата-аналарның һәм укучыларны борчыган  сорауларга җаваплар бирде.

Кечкенә кулларыбыз белән самолетлар ясадык.