Белем бәйрәменә багышланган тантаналы линейкадан соң классларда тәрбия дәресләре узды. Башлангыч класс укучылары "Минем кече Ватаным" дигән темага сөйләште. Ә 5-11 классларда дәрес "Беренче бөтендөнья сугышы башлануга 100 ел" дигән темага багышланды.

Хөрмәтле укучылар, укытучылар, әти-әниләр! Сезне яңа уку елы белән котлыйбыз. Яңа уку елында һәрберегезгә гаилә иминлеге, күңел тынычлыгы, тән сихәтлеге, зур уңышлар телибез. Белем бәйрәме котлы булсын! 

Мәктәпләрдә кыңгырау чыңы

Хәбәр итә бүген һәркемгә.

Яңа уку елы башлануын 

Гүзәл Татарстан җирендә.

 Тәүге кыңгырау  белем ачкычларын

Балаларның бирә кулына.

Сонгы кыңгырау исә  алып чыга

Һәр яшьлекне тормыш юлына.

11 ел буе кыңгыраулар чыңы

Чакыру булды һәрбер дәрескә

Бүген алар чакыру һәм озату

Алда торган бөек зур эшкә.

Җиңү  килде  җирне  нурга  күмеп,

Шатлык  белән  күзне  чылатып.

Килде ул  көн  горур  күкрәкләрдә

Орден-медальләрне  чыңлатып.

  Һәйкәл булып  баса җиңүчеләр,

Һәйкәл булып  баса  батырлар.

Ә батырлар ике  тапкыр  үлми

Җирдә алар  мәңге  балкырлар.

  69 ел  инде  һәр  көн  саен

Кайтмый  калганннарны  көтәбез.

Авыл  уртасында  һәйкәлләргә

Башыбызны  иеп  китәбез.

  Таш  һәйкәлләр  булып  балкый  тыныч кына,

Өйрәнгәннәр алар  тынлыкка.

Һәйкәлләргә  килик, гөлләр  куйыйк

Һәйкәлләрне  тыңлык  тын  гына.