Йорт кошлары белән танышуыбызны дәвам итеп, Гарипов Радик һәм Гөлсинәләрнең шәхси хуҗалыкларындагы 150 казны күзәтергә Сон буена төштек. Казларны күзәткәннән соң , балалар табигать кочагында рәхәтләнеп уйнадылар.

Авылыбызның мәдәният йортында бүген "Бал бәйрәме" гөрләп узды. Килгән кунаклар, авыл халкы, балалар -  25 шәхси хуҗалыктан күчтәнәч итеп алып килгән бал һәм тәм - томнар белән сыйландылар. Бәйрәм тамашасында җыр - бию, шигырьләр белән безнең бакча балалары да бик теләп катнашты. Бал хуҗалары төрле наминацияләр буенча бүләкләнделәр.  Дини мәгълүматлардан белүебезчә  - бал кортлары кешеләргә дәва һәм үрнәк өчен бирелгәненә без тагын  бер кат инандык.

 Юкә балы бигрәк тә тәмле шул, ә кливер балы файдалы...

Мәктәп укучылыры белән без дә йөгерешкә чыктык.

Әкияттәгечә, тавык үзенең чебиләре белән балалар бакчасы янына үзе килгән. Сентябрь аенда "качып" чыгарган чебиләрен безнең балаларыбыз да күреп калсын дигәндер инде.

 Балаларга көзге байлыкның халыкка шатлык, куаныч китерүен төшендерү, бу байлыкларны тудыручы игенчеләр – әтиләре хезмәтенә карата хөрмәт тәрбияләү, игенченең мактаулы һәм авыр хезмәте, икмәкнең нинди юллар аша табынга килүе турында тасвирлап сөйләргә өйрәтү максатыннан ындыр табагына( амбарга), басуга, паркка экскурсияләр үздырабыз. 

Үзең җыйган алмалар бигрәк тә тәмле!

   Тышкы билгеләренә (зурлыгы, үз - үзләрен тотышларына, тавышларына) карап, йорт кошларын аера белү күнекмәләрен үстерү, үзләренең белгәннәрен бәйләнешле итеп, хикәя формасында сөйләргә өйрәтү максатыннан хуҗалыкларда булган йорт кошлары белән таныштыруны дәвам итәбез. Балаларда күзәтүчәнлек, кызыксынучанлык һәм хайваннарга, кошларга сакчыл караш тәрбиялибез.                                                                                                                                                                           Маннанов Рашит һәм Сәрмәдияләр хуҗалыгындагы күркәләр белән танышу. 

Мәктәпкә экскурсия.

1 нче сентябрь -  "Белем бәйрәме"ндә катнаштык. Балаларда мәктәп турында уңай мөнәсәбәт, белем алырга омтылыш тәрбияләү һәм аларны  мәктәп тормышы белән якыннан таныштыруны дәвам итү максатыннан мәктәпкә экскурсия үткәрдек. 1 нче сыйныфка керүче балаларыбызга ныклы сәламәтлек, укуларында уңышлар телибез.

Югары Сон балалар бакчасына йөрүче балаларның фотоларын  "Тылсымлы куллар" журналының август санында "Бездә бүген кунакта" сәхифәсендә күрүебез белән без бик шатбыз.