6нчы сентябрьнең кояшлы иртәсендә 2-11 сыйныф укучылары Сәламәтлек көнендә катнашу өчен “Химиклар” стадионына җыелдылар. Сәламәтлек көне линейка, физкультура укытучысы Романюк Г.А.ның тәрбия эшләре урынбасары Зиганшина И.В.га биргән рапорты белән башланып китте. Күңелле музыка астында ясалган зарядка барлык укучыларны һәм укытучыларны җанландырып, ярышларга дәрт өстәп җибәрде. Һәр сыйныф командасы маршрут битләре алганнан соң, үз маршрутлары буенча төрле тукталышларда билгеле спорт төрләре буенча көчләрен сыный башладылар. Аларны гадел хөкемдарлар: укытучылар- Гимадиев В.М., Мухаметзянова Ә.Х.; мәктәп шәфкать туташы- Шишкина Н.В.; әти-әниләрдән- Идрисова Н,Г.; студентлар- Гасанов Г., Швеөова Д., Бекбутаев Р.; Зырянов К. Хөкем итте.Ярышлар иң җитез укучылар катнашкан эстафета белән төгәлләнде. Сәламәтлек көне укучыларга грамоталар тапшыру линейкасы белән төгәлләнде. Барлык укучылар, укытучылар Сәламәтлек көненнән яхшы кәеф белән өйләренә  таралыштылар