“Без бүгенге чыгышыбызны ГТО нормативлары белән таныштыруга багышларга булдык”-дип башладылар җиденчеләр мәктәпкүләм линейканы. Юкка гына түгел икән шул,чөнки үзе эшләгән чорда бик күп тапкырлар ГТО нормативларын тапшырган һәм кабул иткән, физкультура һәм ТИН дәресләре укытып лаеклы ялга чыккан Равил абый Гараев очрашуга килгән. Ул элекке һәм хәзер тормышка кереп килүче нормаларга күзәтү ясады. “Күптән кирәк иде инде бу. Хәзер балаларны гына түгел, хәтта күп кенә өлкәннәрне дә телевизор, компьютер каршыннан аерып алып булмый. Сәламәтлек турында уйлау бетте. ГТО кертелү белән бигрәк яшь буынның сәламәтлегенә уңай йогынты булыр”- дип ышана ул. “Өлкәннәрнең ышанычын аклап, үз сәламәтлегебезне үзебез кайгыртыйк!” – дип чыгышларын тәмамладылар укучылар.