Мәрхәмәтлелекне арттыру, бер- беребезгә игътибарлырак булырга өйрәтү өчендер бу Инвалидлар декадасы.Декада кысаларында Р.Закиров исемендәге Урыс төп гомуми белем мәктәбе педагогик коллективы, укучылары , ата- аналары , китапханәче тарафыннан Минзәлә шәһәрендәге Картлар йортына "Йөрәктән-йөрәккә "акциясе оештырылды.Анда безнең авылдашыбыз, шагыйрәбез Салисә Гәрәева картлык көннәрен кичерә. Безне күрүгә аның шатланганын курсәгез иде!Өзми -куймый авылдашларының хәлләрен сораша.Тулбай сузе чыгуга моңсу күзләренең очкынлануын,
йөзенең яктыруын курсәгез икен.Бүләкләрнең күплегенә шаккатты инде. Маулина Гузәл ясаган ,телеңне йотарлык чәкчәк,повар кызларыбыз иртән генә пешергән кабартмалар,авыл сөте, төрледән- төрле варенье, тәм- томнар белән чәйләр эчтек. Кулдан бәйләнгән йон оекбашларны аякка ук киеп куйды,башмакларга карап сокланды. Рәхмәтләрен видеода сезгә дә җиткерәм.Бугенге дөньяда "Тулбай" һәм "китап" сүзләрен генә кабул итә шул инде ул. Шуна рәхмәтен Тулбайлыларга юллый.Үз исемемнән бу акциядә катнашкан һәр кешегә, мәрхәмәтле балаларга чиксез рәхмәтемне белдерәм
Ялгыз картлыгында сәламәтлеге өчен кайгыртучы хезмәткәрләргә, интернат җитәкчеләренә, пешекчеләргә гел рәхмәтен укып тора ул.Беркемнән зарланмый, ачуланмый, Бельгиядәге бердән- бер кызын да көтми кебек булды ул миңа. Язмышына буйсынып яши дә яши. Тагын очрашулар көтеп, баш иеп озатып калды ул безне."Августларда авылга узем дә кайтып килермен әле, бик матур бит башаклар өлгеруен курү, минем яраткан аем",- дип озатты шагыйрәбез безне.Кайчан кайтсаң да каршы ала инде авылың үз кызын, Салисәкәй.Тәрәзә аша бик озак кул болгап саубуллашты ул