Мәктәп укучылары даими рәвештә авылыбыз өлкәннәренә, ветераннарга шефлыккак йөри, хәлләреннән килгәнчә ярдәм күрсәтергә тырыша. Бүген укучылар Флүрә апаның хәлен белеп, ишегалдын чистартып кайттылар.

Бүген мәктәбебездә космонавтика көненә багышланган чара булып узды. Бәйрәмнең беренче өлеше әлеге көннең тарихы турындагы чыгыш белән башланып китсә, икенче өлеше исә викторина сораулары, кызыклы биремнәр белән үрелеп барды. Шулай ук, командаларга өй эше итеп ракета макетын ясарга һәм якларга кушылган иде. Барлык укучылар да эшкә иҗади һәм җаваплы караган. Ә беренчелекне, иң күп балл туплап, 6 нчы класс, "Гагарин оныклары" командасы яулады.

Чисталык айлыгы кысаларында мәктәп территориясен  кардан чистарту эше башланды.

Мөслим  лицеенда IV республикакүләм "Фоат Садриев укулары" булды. "Мәгариф"журналы белән берлектә үткәрелгән бу чарада мәктәбебез укучылары да катнашты. 80 нән артык укучы һәм укытучының эшләрен күренекле язучы, шагыйрьләр һәм галимнәр бәяләде. 5 нче сыйныф укучысы Хәкимов Денис 2 дәрәҗә диплом (җитәкчесе татар теле һәм әдәбияты укытучысы Хәкимова Г.Ш.), 6 нчы сыйныф укучысы Шамс Айрат 3 дәрәҗә диплом (җитәкчесе татар теле һәм әдәбияты укытучысы Шамсова Р.Д.) белән бүләкләнделәр. Уңышларыгыз белән котлыйбыз!

Чаңгыда шуу буенча кышкы сезонны ябу ярышлары үтте. Башлангыч класс укучылары арасында Емельянов Артур һәм Холбутаева Диләрәгә, 5-7 класс укучылары арасында Хәкимов Дениска, 8-9 класс укучылары арасында  Холбутаева Наилә һәм Вәлиев Илнарларга тиңнәр булмады. Барлык җиңүче укучыларга мәктәп дирекциясенең грамоталары тапшырылды. 

Мәктәп күләмендә теннис ярышы үткәрелде. Бигрәк тә 5,6,9, класс укучылары активлык күрсәтте. Гомуми нәтиҗәләр буенча, 9 класс укучысы Вәлиев Илнар беренче, 5 класс укучысы Хәкимов Денис  икенче, 6 класс укучысы Әхмәтгалиев Рәфәгат өченче урын яулады. Афәрин, егетләр!

19 марттан 28 мартка кадәр язгы каникул. 

Канатлы дусларыбыз кайтуга ел саен сыерчык оялары ясыйбыз. Быел да мәктәптә елдагыча "Һәр сыерчыкка-оя!" конкурсы үткәрелде. Конкурс нәтиҗәләре буенча, 5 класстан Хәкимов Денис, 6 класстан Әхмәтгалиев Рәфәгат, Шамс Айрат, 8 нче класстан Суфиев Рәзил, 9 класстан Вәлиев Илнар һәм Якупов Илдарларның ясаган оялары иң яхшылары дип табылды һәм район конкурсында катнашу хокукын алды. Бу конкурста җиңүчеләргә грамоталар, катнашучыларга рәхмәт хатлары бирелде.