29 нчы февральдә район күләмендә "Искиткеч әйдаман" конкурсы булып узды. Безнең мәктәптән "Ялкын" отряды әйдаманы  Фәррахова Гүзәл катнашты һәм "Иң күркәм әйдаман" номинациясендә җиңү яулады.

Бүген мәктәптә башлангыч класс укытучыларының «Кече яшьтәге мәктәп балаларының дәресләрендә һәм дәрестән тыш вакытта мәгълүмати-коммуникатив технологияләр кулланып танып-белү эшчәнлеген активлаштыру» темасына район методик берләшмә утырышы булды. 1 класста Мөхәмәдиева А.Ф."Әлифбаны йомгаклау" темасына әдәби уку дәресе, 2 класста Мәүләветдинова И.Р. "Билгене белдерә торган сүзләр" темасына татар теле дәресе, 3-4 класста Исламов Р.А. "Поворот на месте переступанием вокруг носков лыж" темасына физкультура дәресе күрсәттеләр. Район укытучылары Хамматуллина Р.М. әзерләгән "Мәктәбем-горурлыгым" дигән ачык чара карадылар. Берләшмә утырышында Күбәк урта гомуми белем бирү мәктәбе укытучылары Гараева Р. Н., Юсупова Л. М. "Башлангыч сыйныф укучыларының  проект эшчәнлеген оештыру" темасына мастер-класс күрсәттеләр, Шаяхметова Л. Ф. "Матурлык дөньясына сәяхәт" темасына чыгыш ясады. Утырыш бик файдалы һәм кызыклы узды.

Мәктәбебезнең туган якны өйрәнү музее укучыларга патриотик тәрбия бирүдә зур роль уйный. Хәрби-патриотик айлык кысаларында музейга экскурсияләр үткәрелә. Вожатыйлар үз отрядлары белән сборлар үткәрә,  экспонатлар белән танышалар, 

Кадерле ир-егетләребез, Сезне бәйрәмегез белән котлыйбыз. Барчагызга да корычтай сәламәтлек, матур тормыш, бәхетле  гомер телибез.Тыныч тормышта кадерле әтиләр, бабайлар, уллар булып яшәргә язсын. Бәйрәм белән!

Бүген мәктәптә 5 класстан алып 11 класска кадәр  укучылар  арасында "Зарница" хәрби-патриотик уены уздырылды. Һәр команда спорт һәм медицина әзерлеге буенча практик күнегүләр күрсәтте. Укучылар "Зарница"ның уен гына түгел икәненә төшенделәр. Нәтиҗәдә "Яшелләр" командасы җиңү яулады.

23 февраль-Ватанны  саклаучылар көне уңаеннан, ата-аналар җыелышы үткәрелде. Мәктәп директоры Мубараков Илдар М. ир-егетләрне бәйрәм белән котлады. Укытучы Хәкимова Г.Ш. "Конфликтлар, агрессия. Аларны булдырмау юллары" темасына чыгыш ясады. Укыту-тәрбия эшләре буенча директор урынбасары Хамматуллина Р.М. имтиханнар турында сөйләде. Ахырдан укучы егетләр катнашында ярыш үткәрелде. Егетләр үзләренең спорт, медицина, хәрби әзерлек буенча белемнәрен һәм җитезлекләрен күрсәттеләр.Укучылар концерт номерлары белән чыгыш ясадылар.

ГАОУ ДПО “Татарстан Республикасы Мәгарифне үстерү институты” “Җәлилнефть” нефть һәм газ чыгару идарәсе Сарман муниципаль районы башкарма комитетының мәгариф бүлеге оештырган Муса Җәлилнең тууына 110 ел тулуга багышланган республикакүләм фәнни-гамәли  конференциясендә чыгыш ясаган өчен Мөслим муниципаль районы МБББУ “Әмәкәй урта гомуми белем бирү мәктәбе”нең 5 нче сыйныф укучысы Шамс А. III дәрәҗә Диплом белән бүләкләнде. 

11 нче сыйныф укучысы Насретдинова А.татар әдәбиятыннан укучыларның республика туры олимпиадасында призер булды. Укытучысы- Шамсова Р.Д. Котлыйбыз һәм уңышлар телибез.

Татар әдәбиятыннан республика олимпиадасында 10 сыйныф укучысы Җәлилова Алсу  призер булды. Укытучысы- Хәкимова Г.Ш. Котлыйбыз һәм зур уңышлар телибез. 

Бүген мәктәбебездә тарих һәм җәмгыять белеме укытучылары семинары булып узды. Бәдретдинова Гөлназ Мәгфуряновна 5 класста тарих фәненнән "Дионис театры" темасына, Әхмәтов Рамил Әбүзәрович  11 класста  җәмгыять белеменнән "Демократия" темасына ачык дәресләр күрсәттеләр. Район укытучылары һәм аларның җитәкчеләре дәресләрне уңай бәяләделәр, алдагы эшләрендә уңышлар теләделәр.