Мәктәбебездә "8 март- Халыкара хатын-кызлар"  көне уңаеннан бәйрәм үтте.Балалар үзләренең тәбрикләү сүзләрен җыр,бию,шигырьләр аша әниләргә,әбиләргә,апаларга ,сеңелләргә җиткерделәр.

Баек балалар бакчасында 8 март -Халыкара хатын-кызлар  көне билгеләп үтелде. Балалар барлык хатын-кызларны бәйрәм белән котладылар.Бәйрәм бик күңелле үтте.

1 март- Дөньякүләм  гражданнар обрронасы көне.Мәктәптә Россия күләм ОБЖ  фәне буенча ачык дәрес үтте.Шулай ук  МЧС хезмәткәрләре килеп  балаларга практик дәрес үткәрделәр.

28 февраль  көнне Мамадыш шәхәрендә академик К.Валиев  исемендәге Бөтенсоюз фәнни-гамәли конференция үтте.Анда безнең мәктәптән Хаҗиева Адилә  катнашып, лауреат булып кайтты.Җитәкчесе Ардуганова Г.Х.   

Шефлык эше дәвам итә.Буген балалар  сугыш ветераннарында шефлыкта булдылар,үзләренең көчләреннән килгәнчә ярдәм иттеләр.

Мәктәбебез кунаклар каршылады.Бездә физкультура укытучыларының семинары үтте.Баянов Рамил Фәрдегаян улы  ачык дәрес курсәтте. Ә башлангыч сыйныф укучылары апалары белән дәрестән тыш эшчәнлекләрен кызыклы итеп килгән кунакларга җиткерделәр.Семинар бик эшлекле һәм кызыклы булды.

Мәктәп укучылары Бөек Ватан сугышы ветераннарының хәлләрен белеп,аларга ярдәм итеп торалар.Үзләренең  хәлләреннән килгәнчә  аларга булышалар.

Укучылар белән "Китап тарихы"темасына  телдән журнал үтте.Балалар китап турында белемнәрен баеттылар.

Әлмәт шәһәрендә "Тере классика"төбәкара сәнгатьле сөйләү  конкурсы үтте.Анда Мөхәммәтгалиева Илвина һәм Хаҗиева Адилә  дипломантлар булды.

Мәктәптә укучылар белән герой -шагыйрь Муса  Җәлилне искә алдык.Балалар аның турында истәлекләрне яңарттылар,шигырьләрен сөйләделәр.