«Салават күпере» журналының 25 яшьлек туган көненә багышланган чара 24 декабрьдә Казан шәһәре Татарстан халыклары дуслыгы йортында булды. Безнең мәктәптән бу тантанада Ханов Ислам катнашты(җитәкчесе Ч.М.Гәлләмова).

 Бәйрәм Татарстан Республикасының Дәүләт Советы рәисе урынбасары, ТР Журналистлар берлеге рәисе Римма Атлас кызы Ратникованың котлау сүзләре һәм аның журнал редакциясенә ТР Президенты Р.Н. Миңнехановның Рәхмәт хатын тапшыруы белән башланып китте.

 Балачак бәйрәменә балалар үзләре, «25 туган көн», «Багалмам», «Китап сере» бәйгеләренең  җиңүчеләре дә чакырылган иде. Бу бәйрәмдә аларның барысы да сәхнәгә чакырылып «Салават күпере» журналының дипломнарына һәм бүләкләренә, шулай ук бәйгеләрне үткәрүдә ярдәм иткән «Татмедиа» акционерлык җәмгыяте, Татарстан язучылар берлеге, «Татар китап нәшрияты»ның истәлекле бүләкләренә ия булдылар.