Истәлекле һәм дулкынландыргыч бу мизгелләр бик матур итеп оештырылган концерт номерлары белән алып барылды. Тәрбияче апалары балаларга сәяхәткә барырга тәкъдим итә, балалар кыю капитан белән корабльдә юл тоталар. Сәяхәтнең һәрбер тукталышында балалар  могъҗизалы утрауга эләгә. Утрауларда мультфильм геройлары: Бармалей, Шапокляк, яңа татар малае, галим - балаларны сынады һәм аларның мәктәпкә әзер булуларын исбатлады. Төркем балалары җыр- биюгә, нәфис сүзгә оста булуларын да күрсәтте.

       Соңгы тукталыш аеруча истәлекле булды, төркемнең тәрбияче апалары, бакчабыз мөдире һәм барлык килгән әти-әниләр, кунаклар үзләренең җылы теләкләрен теләде, бүләкләр өләште.

       Балаларыбыз шат күңелле, уңган, тәүфикълы булып үссеннәр, зурларга ихтирам белән карап, кечкенәләрне хөрмәт итсеннәр. Уңышлар сезгә!!!