2 декабрь көнне I нче кечкенәләр төркеме музыка эшчәнлеге барышында бәрмә уен кораллары белән таныштылар.Уен кораллары рәсемнәрен карагач , һәрберсе бәрмә уен коралында уйнап карады,балалар  белән  музыка эшчәнлеге  бик  кызыклы үтте.

Зурлар төркемендә иҗади сәнгать эшчәнлегендә “Кыш” дигән темага балаларга кышкы табигатькә соклану уяту һәм  матурлыкны күрә белергә өйрәтү максатыннан, гуаш һәм пумала белән эшләү тәртибен кулланып балалар пейзаж ясадылар. Эшчәнлек ахырында барсыныңда эшләре күргәзмәгә куелды.  

2 кечкенәләр төркемендә математика эшчәнлеге  узды.”Йомшаккай белән Ак тәпи кар бабай ясыйлар” уен-күнегүе аша балалар белән күп,бертигез,никадәр-шулкадәр төшенчәләре үзләштерелде.

Беренче кечкенәләр төркемендә кышкы табигать, Кыш бабай һәм Кар кызы турында мәгълүмат бирелде. Чыршы бәйрәменә җырлар өйрәнелә башлады.

Икенче кечкенәләр төркеме балалары әниләр бәйрәменә үз куллары белән кәгазъдән чәчәкләр ясап беркеттеләр. Тәрбиячеләре балаларда әниләргә карата мәхәббәт, ихтирам хисе тәрбияләде.

24 ноябрь көнне мәктәпкә әзерлек төркемендә әниләр бәйрәме үткәрелде. Балалар үзләренең җырларын, биюләрен, шигырьләрен бүләк иттеләр. Әниләребез дә конкурсларда катнашып күңел ачтылар.Бәйрәмебез балалар һәм аларның әниләре белән чәй өстәле артында дәвам ителде.

Г. Тукай исемендәге мәктәпнең 1 сыйныф укучылары һәм “Ләйсән” балалар бакчасының мәктәпкә әзерлек төркеме катнашында куңелле стартлар үтте. Балаларга төрле мавыктыргыч уеннар  уйнатылды:туп белән сикерү, этеп алып бару, обруч ярдәмендәге уеннар булды. Бу уеннар ярдәмендә балаларда җитезлек,активлык, тәвәкәллек сыйфатлары тәрбияләнде.Уен ахырында балаларга грамота һәм бүләкләр тапшырылды.

22 ноябрь көнне икенче кечкенәләр һәм зурлар төркемендә ачык ишекләр көне узды .Алар “танып белү” белем бирү өлкәсендә эшчәнлек күрсәттеләр. Тәрбиячеләр балаларга уен формасында төрле алымнар белән балаларны эшчәнлеккә җәлеп иттеләр.Балалар бик кызыксынып һәм активлык күрсәтеп катнаштылар.

«Ләйсән» балалар бакчасында инглиз теленнән түгәрәк эшли башлады. Анда инглиз теле балаларга уен аркылы бирелә.Балалар бу түгәрәктә бик кызыксынып катнашалар.

16 ноябрь көнне  «Экологик тәрбия бирүнең методлары һәм формалары” дигән темага “Ләйсән” балалар бакчасында база балалар бакчалары белән берлектә семинар үтте. Анда зурлар төркеме тәрбиячесе Фахразиева С. К. эшчәнлек күрсәтте. Алдагы эшләргә план корылды.