Бу олимпиадада мәктәбебездән 6 укучы катнашты. Алар беренче турда онлайн-тест сораулары буенча эшләделәр.

Акция кысаларында башлангыч класс укучылары "Салкын тиюләрне кисәтү" темасына "Сәламәтлек агачы" проектын якладылар. 

“Татар әдәбияты һәм сәнгате көннәре” кысаларында районыбыз мәктәпләрендә язучылар белән очрашулар үтә. Шундый очрашу безнең мәктәптә дә үтте. Очрашуда филология фәннәре докторы , Казан дәүләт  федераль университет профессоры, академик, Татарстанның атказанган фән эшлеклесе, Татарстанның атказанган мәдәният хезмәткәре Марсель Хаернас улы Бакиров; Татарстанның халык шагыйре,  атказанган сәнгать эшлеклесе, атказанган мәдәният хезмәткәре, Г. Тукай исемендәге дәүләт бүләге иясе Рәдиф Кәшбулла улы Гатауллин; шагыйрь, Татарстанның атказанган авыл хуҗалыгы хезмәткәре. “Почет билгесе “ ордены кавалеры Ильдус Сабир улы Гыйләҗев; прозаик, Татарстанның атказанган сәнгать эшлеклесе Абдуллин  Фәтхулла  Абдулла улы катнашты. Очрашудан соң язучылар Түреш авылында Харрас чишмәсендә булдылар. Соңыннан Харрас Әюпов каберенә чәчәкләр салынды. 

Мәктәптә куркынычсызлык айлыгы дәвам итә. Айлык кысаларында классларда укучылар иминлеген саклау буенча класс сәгатьләре һәм инструктажлар үткәрелде.

Бу көнне мәктәптә гомуми ата-аналар җыелышы үтте. Җыелышта начальник ООУУП и ПДН Мирзаянов Булат Шарипович, инспектор по профилактике семейного неблагополучия и правонарушений среди несовершеннолетних Салихова Л.З., Иске Карамалы больницасының өлкән шәфкать туташы Галеева З.А. катнашты. 

Бу көнне мәктәптә "Беренче кыңгырау" бәйрәме узды. Бәйрәмдә Иске Карамалы җирле үзидарә башлыгы Кәримов И.Н., Октябрь җирле үзидарә башлыгы Ханнанов И.М., Өстәмә белем бирү үзәге методисты Шәрифуллина Р.Ф., ветеран укытучылар, "Кояшкай" балалар бакчасы коллективы, әти-әниләр катнашты.  

Бүген мәктәптә 11 нче класс укучылары һәм әти-әниләре өчен көтеп алынган бәйрәм - Чыгарылыш кичәсе үтте. 9 укучы кулларына тормышка путевка- тулы урта гомуми белем турында аттестат алдылар. Гарипова Алисәгә аерым үрнәктәге аттестат һәм алтын медаль тапшырылды. Укучыларга уңышлар телибез! 

22 июнь – Хәтер һәм матәм көненә багышланган «Һәйкәлләр ни сөйли?..» дип аталган чара  обелиск янында үтте. 

Лагерьга йөрүчеләр "Тукай эзләреннән..." дип аталган кичә үткәрделәр. Алар Тукай әсәрләре буенча әзерләнгән мультфильмнар карадылар, үзләре дә Тукай шигырьләрен яттан сөйләделәр, җырларын башкардылар. 

Бүген "Салават күпере" лагеренда ял итүче балалар "Олы чишмә"гә экскурсиягә бардылар.