"Ватанны саклаучылар көне"нә карата 5-6 нчы класс укучылары арасында "Күңелле стартлар" уены үткәрелде. Уенны физкультура укытучылары Гайров И.З., Ханнанов Ф.Г. үткәрде. 

"Туган як" музеенда талдан үрү буенча мастер-класста 8 нче класс укучылары Нурлыгаянова И.Н. һәм Гараева Н.М. катнашты. 

18.02.16 көнне10 нчы класста «Кайнар йөрәк» дип исемләнгән “Батырлык дәресе” үтте.  Укучылар “Кайнар йөрәк ” фонд эшчәнлеге белән таныштылар.  Үз тормышларын куркыныч  астына куеп, башкаларның гомерен саклап калырга, ярдәмгә ташланган кыю йөрәкле яшь кешеләрнең  батырлыкларына мисаллар китерелде.  Соңыннан  төркемнәрдә  “Кайнар йөрәкле” кеше  сыйфатлары ачыкланды.  Батырлык, патриотизм, тәвәккәллек, игътибарлылык  кебек сыйфатларның югары булуы бәяләнде.  

Бүген 1 - 4 нче класс укучылары Әфганстанда хезмәт итеп кайткан Гараев Илдар абыйлары белән очраштылар. Ул укучыларга мәктәп белән бәйле истәлекләрен сөйләде, Армия сафларындагы тормышы белән таныштырды. Укучыларны спортны яратырга, үзеңне Ватанны саклаучылар рәтендә булырга әзерләнергә чакырды.

"Укучылар сәламәтлеге - сыйфатлы белем бирүнең төп шарты" темасы астында физкультура укытучыларының РМБ утырышы узды. 6 нчы класста Ханнанов Ф.Г. "Чаңгыда шуу күнекмәләрен ныгыту" темасына ачык дәрес күрсәтте. Ватанны саклаучылар көненә багышланган "Ягез әле, егетләр!" бәйгесендә 2 команда көч сынашты: "Катюша", "Танкисты". Ярышлар концерт номерлары белән аралашып барды. 

19 нчы февраль көнне Яңа Карамалы башлангыч мәктәбе укучылары, Бөек Ватан сугышы ветераны Ходжанов Зияд бабай белән очрашып, аны туган көне белән котладылар. Очрашу бик күңелле үтте.  

7-8 нче класстан бер төркем укучы "Туган як" музеенда экскурсиядә булып кайттылар.

15 нче февраль- патриот шагыйрь Муса Җәлилнең туган көне. Шул уңайдан мәктәптә татар теле һәм әдәбияты укытучысы Нәҗмиева Г.Л. 7-8 нче класслар өчен "Батырлык өлгесе” дип исемләнгән кичә үткәрде. Кичәдә укучылар шагыйрьнең шигырьләрен сөйләделәр, шигырьләренә язылган җырлар тыңланды. Презентация ярдәмендә тормыш юлы һәм иҗаты турында таныштылар. Ә 1-4 класс укучылары М.Җәлил әсәрләре буенча мультфильмнар һәм видеоөзекләр карадылар. 5-6 нчы класс укучылары “Шагыйрь эзләре буйлап...” исемле виртуаль экскурсиядә булдылар. 

Күбәк мәктәбенең хоккей командасы Богады хоккей командасы белән очрашты. Иптәшләрчә очрашуда безнекеләр 4:3 исәбе белән җиңү яулады. Булдырдыгыз, егетләр! Тренерлары: Гайров И.З.

9  нчы февраль көнне Иннополис шәһәрендә, ТР гомуми белем бирү мәктәпләре арасында  "IT - чемпион" 2015 нче ел республикакүләм конкурсының 1 һәм 2 турларында ТР Президенты катнашында җинүчеләрне бүләкләү тантанасы узды. Безнең районның 6 җиңүчесе арасында Октябрь башлангыч мәктәбенең 4 нче класс укучысы Ханнанова Р.И. бар иде. Җиңүчеләрне кыйммәтле бүләкләр белән бүләкләүдән тыш, аларга төрле чаралар да әзерләнгән иде: галстук төсләре буенча группаларга бүленгәннән соң "Роботлар", "Беләзекләр", "Матрица" дип аталган мастер-классларда булдылар һәм "Занимательная наука", "Мыльные пузыри" дигән шоу-тамашада катнаштылар.