Һәр ел саен укучылар, аларның  әти-әниләре, укытучылар  “Белем бәйрәме”н  көтеп алалар. Быел да мәктәп  бу көнне балаларның шат авазлары белән тулды.  Тантаналы линейкада  районыбыз  администрациясе вәкиле  Әһлиев Марсель Мофаздал улы, мәгариф бүлеге методисты Бәдертдинова Марина Ранас кызы,  Иске Карамалы авылы җирлеге башлыгы Кәримов  Илнур Нәгыйм  улы, ветеран укытучылар,  әти-әниләр катнаштылар һәм укучыларга  изге теләкләрен җиткерделәр. Линейка тәмамлангач, укучылар  өчен “Минем кече Ватаным”, “2014 ел - Россиядә һәм Татарсанда культура елы”, “Беренче Бөтендөнья сугышы башлануга 100 ел” дип исемләнгән  класс сәгатьләре  үткәрелде.