"Бердәм Россия" партиясе тарафыннан оештырылган Халык социаль проектлары конкурсында җиңү яулап мәктәбебез грант откан иде. Шул бирелгән акчага кайтартылган хоккей корты тантаналы төстә ачылды.     Хоккей мәйданчыгы ачылу тантанасын зур әзерлек белән көттек. Бәйрәмдә район җитәкчеләре, авыл җирлеге башлыклары,  дин әһелләре  катнашты.  Истәлекле көн уңаеннан район үзәге,  спорт мәктәбе һәм безнең мәктәпнең хоккей командалары  арасында  ярыш та үткәрелде.  Хоккей мәйданчыгыбыз матур, затлы булуы белән белән өлкәннәрне дә, кечкенәләрне дә үзенә тартып тора.