Ата-аналар җыелышы эшлекле һәм файдалы үтте.  Укыту-тәрбия эшләре буенча директор урынбасары   Гараева А.Ф. узган ата-аналар җыелышы карарларының үтәлеше,  укыту-тәрбия эшенең торышы, имтиханнарга куелган таләпләр турында сөйләде. Икенче көн тәртибе буенча  “Уңышка юл” программасы буенча  эшлекле уеннар үткәрелде. Р.Н.  Гәрәеваның  “Кече яшьтәге  кыз балаларны һәм малайларны тәрбияләү үзенчәлекләре“ , Э.А. Фатихова һәм Г.Л. Нәҗмиеваларның  “Гаиләдә “ авыр” холыклы бала”  дип исемләнгән чыгышлары  ата-аналарда кызыксыну уятты, уйландырды. Алар  төркемнәрдә анкеталар тутырдылар, бергәләп төрле катлаулы ситуацияләрдән чыгу юлларын эзләделәр, үзләренең балачакларын искә төшерделәр.   Мәктәп директоры  Л.Р.  ата-аналарны мәгариф яңалыклары белән таныштырды, аларны кызыксындырган сорауларга җавап бирде.  Мәктәпнең сәнгать осталары  “Ватанны саклаучылар көне” уңаеннан бәйрәм концерты тәкъдим иттеләр.